OPPO RENO 3 PRO مراجعه
السلام عليكم ورحمه الله وبركاته
عدنا لكم مع هاتف جديد وهو من شركه اوبو المعروفه في عالم هواتف الاندرويد والتي تلقب نفسها باسم selfie expert\
واليكم صوره من الجهاز
التصميم
اولا رأي الشخصي عن التصميم فهو رائع وشبابي جدا ونقطه تحول الالوان في تدرج مبهره ويعطي لون مبهج في الشمس وابدعت اوبو في التصميم حيث جعلت الفريم او الجوانب متدرجه مع الهاتف
والخامات المستخدمه بالطبع رائعه وبرميم جدا والظهر من الزجاج وحجم الهاتف رائع فهو خفيف نسبيا ومريح في اليد
الشاشه
شاشه اموليد 6ز5 بوصه FHD+ كثافه بيكسلات 402 مع طبقه حمايه جوريلا 5 والشاشه كمان 90 هرتز يعني احلي العاب وسلاسه ده غير الانحنائات في الشاشه الي بتديك شكل الFIND X وحلاوته
وطبعا مننساش الثقب الي فالشاشه بس في اختلاف صغير دي النسخه ال5G وهي كاميره سيلفي واحده انما ال4G كاميرتين وخمنكلم عن الكاميرات كمان شويه نرجع لالوان الشاشه وانها حقيقيه جدا والابيض والاسود كما في الطبيعه وكمان الشاشه فيها EXTRA BRIGHTNESS هتفيدك كتير لو انت فالشارع والشمس ضاربه فالتليفون مش هتلاقي اي تاثير
ومع وضع الOSIE هتلاقي الالوان مشبعه اكتر فمتقلقش من النحيه دي
الاداء
طبعا مش هتكلم علي اداء هواتف اوبو الي بتاخد امتياز بسبب السوفت وير الرئع والممتاز وكمان مع COLOROS 7 هتلاقي ان الموبايل بقا اثلث ومع اندرويد 10 و8 جيجا رام اظن انك مش هتقلق هنا خالص بلرغم من وجود معالج جديد مش متعودين عليه من اوبو وهو Heliop95 وهو من المعالجات الي مش متعودين عليها من اوبو لان عاده اوبو بتستخدم دايما معالجات كوالكوم سناب دراجون بسمتقلقش الاداء ثلث جدا وبسيط وسريع ومفيش اي لاج والموبايل مش بيعلق معاك وطبعا مع كل المواصفات دي تقدر تلعب بابجي وفورتنيت لحد ما تقول كفايه لأن
البطاريه
4020 ميلي امبير طبعا الرقم مش كبير بالنسبه لموبايلات زي سامسونج وريلمي بس ه هتكمل معاك يوم بشكل مريح جدا وهتكمل اليوم التااني كمان ومع خدمه توفير الطاقه من اوبو الي اتحسنت في السوفت وير الجديد فانت معاك الفون ونت مطمن ونخش بقا للمفاجاه الاكبر الvooc flash charge 4 الي بيجي بسرعه 30 وات وده معناه اي يا عم الحاج هقلك ياسيدي
معناه ان نص البطاريه هتشحن معاك في تلت ساعه والتليفون نفسه هيشحن في خلال ساعه وخمس دقايق يعني لو تليفونك علي 20 وانت بتلبس ونازل متقلقش هيوصل 70 ونت علي الباب وهتقضي يومك ونت مش قلقان من ان البطاريه تفضي ومن غير ما صحابك يمسكو تليفوناتهم وانت تليفونك فاصل
الامان ووسائل الحمايه
طبعا مش جديد علي اوبو حوار الامان ده لان مع اوبو انت فامان
عندك بصمه فالشاشه فائقه السرعه والدقه
وكمان فيس انلوك (بصمه وجه) سريعه جدا ودقيقه
ده غير بقا وسائل حمايه جوجل
مع شويه مقاومه للمياه والاتربه يبقي كده فل اوي
واخيرا مع الكاميرات
الكاميره الاساسيه
الكاميره الاساسيه عندك 64 ميجا بكسل مع فتحه عدسه f1.7
كاميره ثانويه مخصصه لل telephoto 13 ميجا بكسل
وايضا كاميره wide 8 ميجا بكسل
والجديد في اوبو كاميره b&w ودي مخصصه للعمق وانها تخلي تباين الالوان واضح
الكاميره السيلفي
الاساسيه 44 ميجا بكسل ايوه 44 متستغربش اوبو عملت الطفره الجديده فالكاميرات السيلفي وزي ما قلتلك selfie expert
ومع كاميره تانيه 2 ميجا بكسل للعزل والعمق
وهنا بيختلف نسخه ال4g عن ال5g في الكاميرات السيلفي لان الكاميره الواحده دي موجوده في ال5g انما الكاميرتين في ال4g ومش بيشكلو اختلاف كبير يعني
الالوان
دي صوره للالوان الي شايفها حلوه جدا ولايقه مع استايل اي حد
السعر
للنسخه ال5g فانت عندك سعر 550$ الي هو 8500 جنيه مصري واقل نسخه في فئه ال5 وال4 g 128 جيجا
ومن غير كارت ميموري
انما ال4g هينزل في حدود 6000 الي 6500 جنيه للنسخه ال128
ووصلنا لاخر المقال اتمني يكون عجبكم ولو حبيت تستفسر عن اي حاجه كلمني او اكتب في الكومنتات وهرد عليك ولو حبيت تشتري تليفون جديد فتقدر تسألني عشان علي اخر السنه دي هنزل شويه تليفونات باسعار رهيبه ومش هتتخيل ان تليفون بلامكنيات دي وسعره قليل وهقلك علي ااماكن بيع لتليفونات دي وفي خصم كمان عشان انت جاي تبعي
والسلام عليكم ورحمه الله وبركاته
تعليقات
إرسال تعليق